MKASA MZIMA WA RECHO KUSHIKILIWA NA POLISI DUBAI

0 comments

Winfrida Josephat ‘Recho’.
Msala! Mtoto mzuri mwenye sauti tamu kutoka Jumba la Vipaji Tanzania (THT), Winfrida Josephat ‘Recho’ anadiwa kushikiliwa na Polisi wa Jiji la Dubai, Falme za Kiarabu (UAE) kwa kosa la kuzidisha muda wa kibali cha kuishi ugenini (overstay), Risasi Jumamosi lina mchapo kamili.
TUJIUNGE NA CHANZO
Kwa mujibu wa chanzo makini, Recho alitoroshwa na mwanaume mwezi mmoja uliopita na kwenda kula naye bata nchini humo huku akimuahidi ahadi motomoto katika penzi lao lakini alipofika, akamtelekeza. “Alidanganywa na mwanaume, akakubali kuja naye Dubai si unajua tena mambo ya kuendekeza starehe mastaa wetu, akaja huku na alipofika jamaa akaishi naye kidogo akaingia mitini,” kilieleza chanzo chetu kilichopo Dubai na kuongeza:
HAKUMUAGA RUGE
“Kutokana na kukolea kimahaba, aliniambia hakuona hata umuhimu wa kumuaga bosi wake Ruge (Mutahaba) kitu ambacho kila mtu alimlaumu
kwani wakati huo nasikia alikuwa na project kibao za kumkuza kimuziki.”
recho (3)
MWANAUME AREJEA
Chanzo hicho kilizidi kumwaga ubuyu kuwa,  baadaye huyo mwanaume alimtelekeza katika nyumba waliyokuwa wakiishi pamoja, alirejea na kuanza kuishi naye tena hadi pale kibali  kilipoisha na jamaa akatoweka tena wakati tayari mrembo huyo akiwa amezidisha muda wa kuishi nchini humo. Chanzo hicho kilieleza kuwa, maafande wa nchi hiyo walipombaini anaishi bila kuwa na vibali, walimkamta na kumfikisha kituo cha polisi kwa ajili ya mahojiano kisha wakamshikilia hadi atakapopata fedha za kulipia vibali. “Mambo huku yamemwendea vibaya, watu wameshindwa kumsaidia. Amewasiliana na ndugu,
jamaa na marafiki zake Bongo lakini imeshindikana kupata hizo fedha.
AMSAKA RUGE
“Sasa ameanza kufanya mpango wa kumtafuta Ruge ili aweze kumuokoa, maana mazingira yamemkalia vibaya kwani hana fedha hata ya nauli ya kumrejesha Tanzania na jamaa aliyemleta naye ameendelea kumpiga chenga.
recho (1)
RUGE AWATOLEA NJE
“Lakini mbaya zaidi nasikia Ruge kawatolea nje maana wakati Recho anakuja huku kumbe alitoroka hakumuaga wala uongozi wowote wa THT, alichokosea hakumuaga bosi wake huyo na tayari alikuwa ameelekezwa mambo kibao na Ruge ili aachie nyimbo mpya lakini akakaidi na kuja huku,” kilisema chanzo hicho.
RUGE HUYU HAPA
Gazeti hili baada ya kupenyezewa  mchongo huo, lilimtafuta Ruge ili kujua kama ni kweli taarifa hizo zimemfikia na kama anazo amefanya nini ili kumsaidia mrembo huyo ambaye alikuwa tishio kwa nyimbo kali ikiwemo Kizunguzungu. Ruge alikiri kuwa taarifa za mrembo huyo zimemfikia lakini bado hajafikiria cha kufanya hadi sasa.
“Nimesikia kweli anashikiliwa kutokana na mambo yake binafsi, nashindwa sana kujihusisha nayo moja kwa moja kwani hakuna jambo lolote ambalo amewahi kunihusisha kabla hajaenda huko na hata alipokuwa huku. “Bado sijaona namna ya kumsaidia maana hawa watoto nao wamekuwa  jeuri mno. Wakishajiona wamekuwa mastaa tu, hata ushauri wa maana hawapokei kabisa inanisikitisha sana,” alisema Ruge.
KUMBUKUMBU
Recho kabla ya kuondoka Bongo, alikuwa tishio kwa sauti na uchezaji wake ulioshabihiana na miondoko aliyokuwa nayo mkongwe wa Bongo Fleva, Rehema Chalamila ‘Ray C’. Mrembo huyo pia aliwahi kutajwa kwenye kashfa ya kutumia madawa ya kulevya lakini hakutoa majibu ya kueleweka.

Read More »

JE!UNATAKA KUJUA UKWELI KUHUSU JOKATE NA ALIKIBA KUACHANA?

0 comments
Jokate na Ali Kiba Wakati mastaa wenzake Bongo, Wema Isaac Sepetu na Kajala Masanja wakifurahia kunasa ujauzito, taarifa ambazo zimevuja zinadai kwamba, chanzo cha Jokate Urban Mwegelo ‘Kidoti’ kumwagana na Mwanamuziki Ali Saleh Kiba ni kufuatia kuchoropoka kwa mimba ya mrembo huyo hivyo kumsononesha moyo wake, Ijumaa limenyetishiwa siri nzito.
Habari kutoka ‘redio mbao’ za mjini zilidai kwamba, wiki mbili zilizopita, Jokate na Kiba waliingia kwenye gogoro zito mara tu baada ya kuripotiwa kuchoropoka kwa ujauzito huo ikisemekana kuwa hali hiyo ilimpata kufuatia kufanya mazoezi makali ya kudensi akijiandaa na shoo.


“Unajua Kiba aliposikia mimba ya Jokate ambayo aliamini ni yake imechoropoka, alihisi anafanyiwa figisufigisu na kwamba huenda Jojo hakuwa amejiandaa kuitwa mama,” kilidai chanzo chetu kilichoomba hifadhi ya jina na kuongeza:

“Ndiyo chanzo cha ugomvi wa Jokate na Kiba licha ya zile sababu nyingine za tofauti ya dini, wazazi wa Jokate kutomtaka Kiba. Bado vikao vya kuwasuluhisha vinaendelea lakini jamaa (Kiba) anaonekana kutia ngumu.”

Hata hivyo, habari mpya zilizolifikia gazeti hili zilidai kuwa kumwagana kwa Jokate na Kiba kulipokelewa kwa kicheko na ndugu wa mrembo huyo ambao tangu awali walionekana kutounga mkono penzi la wawili hao.

Gazeti hili lilipomtafuta Kiba ili kufafanua ishu hiyo, kama kawaida simu yake iliita bila kupokelewa lakini kwa upande wake Jokate alikuwa na haya ya kusema: “Jamani naombeni mniache, sitaki kabisa kuongelea hayo mambo ya Ali Kiba.”

Hata hivyo, mwanahabari wetu alipotaka kusikia japo neno lake juu ya kuachana na Kiba na kwamba chanzo ni kuchoropoka kwa ujauzito huo, alisisitza kwamba aachwe.

Source;Global

Read More »

ZITTO AMTWISHA MAGUFULI MAMBO 10

0 comments
Mbunge Mteule wa Kigoma Mjini kupitia chama cha ACT-Wazalendo, Zitto Kabwe.
Mbunge Mteule wa Kigoma Mjini kupitia chama cha ACT-Wazalendo, Zitto Kabwe, ameelezea mambo 10 ambayo Rais Dk. John Magufuli, anapaswa kuyafanya ili kuweka misingi ya mabadiliko nchini.
Moja ya mambo ambayo ameandika kwenye waraka wake jana, Zitto amemshauri Rais Dk. Magufuli kuweka wazi mikataba yote  ya rasilimali za nchi.
"Kuna wakati Thomas Sankara (Rais wa zamani wa Burkinafaso) aliwahi kusema kwamba huwezi kuleta mabadiliko yoyote ya kweli kwa taifa kama hutakuwa na kiwango fulani cha wendawazimu,” alisema Zitto kwenye waraka huo.
Ushauri mwingine wa Zitto ni kwamba Dk. Magufuli afute posho zote za vikao katika mfumo mzima wa serikali kama mpango wa maendeleo unavyotaka
Amemshauri pia kufuta viongozi wa serikali na wanasiasa kusafiri kwa daraja la juu kwenye ndege isipokuwa Rais, Makamu wa Rais na  Waziri Mkuu. 
Zitto kwenye waraka huo pia amemshauri Dk. Magufuli kufuta matumizi ya mashangingi na aliisifu Benki Kuu ya Tanzania  (BoT) kwamba imeonyesha mfano kwenye hilo.
Pia alimshauri Rais Dk. Magufuli afute  uagizaji wa sukari kutoka nje na badala yake ianzishwe miradi ya miwa ili nchi iuze sukari Nje.
Jambo la sita aliloshauri Zitto ni kuweka weka wazi taarifa ya serikali kuhusu utoroshaji wa fedha na kufungua mashtaka dhidi ya wahusika mara moja.
Alisema Dk. Magufuli anapaswa kuipa Taasisi ya Kupambana na Kuzuia Rushwa  (Takukuru)  mamlaka ya kukamata na kushtaki na kila mwenye mali athibitishe mwenyewe ameipataje.
Alisema mali na madeni ya viongozi yawe wazi kwa umma na wananchi waruhusiwe kuhoji.
Katika jambo la tisa, Zitto alimshauri Dk. Magufuli  kuruhusu mshindi wa uchaguzi Zanzibar atangazwe na afanye naye kazi.
Zitto katika ushauri wake wa mwisho alimtaka  Rais Dk. Magufuli kuendelea na  mchakato wa Katiba kwa kuanzia alipoishia Mwenyekiti wa Tume ya Mabadiliko ya Katiba, Jaji Joseph Warioba na kuachana na Katiba Pendekezwa.
CHANZO: NIPASHE

Read More »

LOWASSA Afunguka Kuhusu Ujio wa TB JOSHUA Kuja Kumuona..Atoa Kauli Nzito

0 comments
Nashukuru kwa heshima aliyonipa mtumishi wa Mungu, T.B Joshua kwa kuja nyumbani kujadili mambo ya taifa, na baadaye kushiriki kwenye sala na ndugu na familia. Mungu atuongoze. Mungu ibariki Tanzania!"-Edward Ngoyai Lowassa
Maelezo kwa mujibu wa tovuti ya John Kitime (johnkitime.co.tz)Temitope Balogun Joshua (T.B. Joshua) alizaliwa tarehe 12 Juni 1963, katika kijiji kidogo cha Arigidi kilichoko Akoko, Jimbo la Ondo, Nigeria. Inasemekana mama yake alikaa na mimba kwa miezi 15, kabla Temitope hajazaliwa.

Katika kabila lake kulikuweko na hadithi ya zaidi ya miaka 100 ambayo ilitabiri kuwa kuna mtoto atazaliwa katika familia masikini, ambaye Mungu atamtumia sana, na wengi kule kwao huamini kuwa Temitope ndie aliyetajwa katika utabiri huo. Siku tatu baada ya kuzaliwa kwake, jiwe kubwa lilirushwa kutoka kwenye sehemu kulikokuwa kunapasuliwa mawe, jiwe hilo lilitoboa bati na kumkosa kosa Temitope kwa sentimita chache. Na ndipo mama yake alimpa jina la Temitope, likiwa na maana ‘Ulichonipa Mungu lazima kishukuriwe’.
Jina analojulikana sana sasa ni T. B. Joshua.

TB Joshua ni muhubiri mwanzilishi na kiongozi wa The Synagogue, Church of All Nations (SCOAN), hii ni taasisi ya kidini inayoendesha Emmanuel TV, Tv ambayo huonekana kote duniani ikiwa inarushwa kutoka Lagos Nigeria. TB Joshua anasemeka ni moja ya watu 50 wenye ushawishi zaidi Afrika, anajulikana sana kwenye mitandao ya Facebook ambako anawafuasi zaidi ya milioni moja laki tano, na video zake nyingi zilizomo kwenye Youtube. Kwa mujibu wa Forbes, mwaka 2011 TB Joshua alikuwa mtu wa tatu kwa utajiri nchini Nigeria.

Wakati akiwa shule alijulikana kwa jina la Balogun Francis, alisoma shule ya St. Stephen’s Anglican Primary School ya Arigidi-Akoko, kati ya mwaka 1971 na 1977, lakini hakumaliza sekondari. Wakati yuko shule alijulikana kama “small pastor” kutokana na kupenda sana biblia, baada ya kuacha shule alifanya kazi mbalimbali ndogo ndogo, hatimae akaanzisha darasa la biblia kwa watoto, wakati huohuo akaanza kujiendeleza kwa masomo ya jioni. Hatimae akaamua kwenda kujiunga na jeshi la Nigeria, lakini kwa bahati mbaya akaachelewa treni kwenda kwenye usaili na hivyo ndoto hiyo ikaishia hapo.

Kwa maelezo yake mwenyewe anaeleza jinsi alivyokabithiwa upako wake, “ Nilikuwa katika hali ya kuzimia kwa siku tatu mfululizo, nikaona mkono ukielekeza Biblia kwenye moyo wangu, na Biblia ikaingia kwenye moyo wangu na moyo wangu wa zamani ukachanganyika na Biblia. Ufahamu uliponijia nikawaona Mitume na Manabii wa zamani wako na mtu ambaye sikuweza kuona kichwa chake kwa sababu alikuwa mrefu sana amefika mpaka mbinguni. Nikaamini kuwa alikuwa ndie Bwana wetu Yesu Kristo, nami nikajiona nimo katika hawa Manabii na Mitume wa zamani.
Nikauona mkono wa yule mtu mrefu sikuweza kuona uso wake maana ulikuwa na mwanga mkali sana sikuweza kabisa kuangalia uso wake. Lakini Mitume wengine niliweza kuwaona. Mitume Peter na Paul, Manabii Moses, Eliya na wengine, kwani majina yao yalikuwa yameandikwa kwa herufi kubwa vifuani mwao. Nikasikia sauti inasema, “Mimi ni Mungu wako, nakupa upako nenda kafanye kazi ya baba yako wa mbinguni.”
Wakati huohuo yule mtu mrefu akanipa Msalaba na Biblia iliyokuwa kubwa kuliko ile iliyoingia moyoni mwangu. Akaniahidi kuwa kila nitakapo tumia muda wake na jina lake nitapata Msalaba mkubwa zaidi, nikienda kinyume na mambo yatakuwa kinyume. Nikasikia sauti ya yule mtu mrefu ambaye sikuwa naweza kuona kichwa chake ikasema,’ Mimi ndie Bwana wako, niliyekuwa na ambaye ndie, mimi ni Yesu Kristo ninaetoa amri kwa mitume na manabii wote. Sauti ile ikasema tena ‘Nitakuonyesha mambo mazuri ya ajabu na nitajionyesha kupitia mafunzo, mahubiri, miujiza, ishara, kwa ajili ya kuokoa roho za watu. Kutoka wakati huo nimekuwa napata maono kila mwaka na Msalaba mkubwa zaidi ukiwa na maana majukumu makubwa zaidi”

SCOAN ina tawi moja tu nalo liko Ghana, kwa sasa kila Jumapili kuna ibada Nigeria ambayo huhudhuriwa na kiasi cha watu 15,000 kila Jumapili. Uponyaji ni kati ya mambo mengi yanayofanywa katika kanisa la TB Joshua watu wengi wamekuwa wakisema wamepona maradhi mbalimbali kutokana na kufika kanisani hapo na kwa kutumia maji, ‘annointed water’ ambayo hutolewa na TB Joshua.
Wakati wa tatizo la Ebola TB Joshua alisema maji hayo yanaweza kutibu ugonjwa huo na alituma chupa 4,000 za maji hayo zikiambatana na dola 50,000 kwenye serikali ya Sierra Leon. Hili lilikuja hasa baada ya maafisa afya wa Lagos walipomtembelea TB Joshua kumtaka asiwaruhusu wagonjwa Ebola kuja katika kanisa hilo kwa kuondoa uwezekanao wa kupata mlipuko wa ugonjwa huo katika jiji hilo. Wasanii wa Nollywood kama Jimmy Iyke na Camilla Mberekpe pia ni kati ya watu wengi waliowahi kupata huduma za kuondoa mapepo katika miili yao katika kanisa hilo.

Pia TB Joshua anasemekana ameweza kutabiri mambo mengi ikiwemo kifo cha Michael Jackson, milipuko ya Boston na hata matokeo ya mechi mbili za fainali za AFCON, ambapo moja mshindi alikuwa Zambia na nyingine Nigeria ilichukua ushindi. Amesha wahi kutabiri kuhusu kifo cha Rais mmoja wa Afrika na inasemekana Bingu Mutharika wa Malawi ndie aliyetabiriwa wakati huo. Pia anasemekana kutabiri kuhusu ndege ya Malaysian Airline iliyopotea baharini, miezi kadhaa kabla ya tukio hilo.

Read More »

ZIJUE SABABU ZA UCHOVU WA MARA KWA MARA

0 comments
Ugonjwa wa kisukari ni ugonjwa hatari kutokana na madhara yake kuwa makubwa endapo mtu  hatazingatia uchunguzi na matibabu.
Ugonjwa huu umegawanyika katika makundi mawili ambayo kitaalamu tunaita ‘Type One’ na mwingine ‘Type Two.’‘Type one’ siyo tatizo sana ingawa ni tatizo kwa wale waliokuwa nao, ni aina ya kisukari mtu anakuwa nao tangu utotoni ambapo hukosa kabisa kichocheo cha ‘Insulin’ ambacho kipo mwilini kikiwa na kazi ya kushusha sukari iliyozidi na kuiweka sawa iliyopo.
Aina ya kisukari ‘Type Two’ ndiyo janga kubwa la sasa hivi. Aina hii humpata mtu yeyote hata wewe unayesoma hapa usipoangalia huchomoki.Aina hii ipo sana katika jamii kutokana na mabadiliko ya mtindo wa maisha.
Mabadiliko haya ya mitindo ya maisha humletea mtu kisukari na athari zake tutaziona. Mabadiliko tunayozungumzia ni maisha kuwa mazuri.
MABADILIKO YA MAISHA NA UGONJWA
Inawezekana kabisa maisha yanapokuwa mazuri ukawa na uhuru wa kuchagua unachokula na unachokunywa na hupendi kuupa tabu mwili wako.
Katika hali hii utajikuta mwili unaanza kuongezeka, taratibu unanenepa na kunawiri.
Kwa kuwa sasa hutembei kwa mguu umbali mkubwa, ofisini kama ni ghorogani unapanda lifti, au unashuka mlangoni unaingia ofisini au nyumbani. 
Chakula unakula kizuri tena vile vitamu, unakuwa bize sana na kazi ukiingia asubuhi unatoka jioni, ukitoka utapata bia kidogo halafu unarudi nyumbani unapumzika hadi kesho tena asubuhi.Hapa unajikuta hata mwisho wa wiki ndipo unaposema ni muda wako wa kumpumzika.  Mapumziko ni kukutana na marafiki, ndugu na jamaa au kukaa na familia na kuburudika.
Mwili unatulia na ku-relax. Hali hii inasababisha hata mzunguko wa damu mwilini unakuwa taratibu, mafuta yanaanza kujikusanya katika mishipa ya damu, moyo na chini ya ngozi, kwa mwanaume unaanza kupata kitambi, shingo nene na mashavu yanaongezeka, ukipima uzito utaonekana unaongezeka.
Mwanamke, unapata pia kitambi, kifua kinaongezeka, mabega na mikono vinaongezeka unene, makalio hasa usawa wa kiuno unaongezeka, uzito pia unaongezeka na mashavu yanajaa. Hali hii sasa tunaita ‘Over weight’ yaani uzito mkubwa na baadaye unakuwa bonge.
DALILI ZA UGONJWA
Ukishafikia hatua hiyo ni kwamba umelimbikiza nishati nyingi mwilini mfumo wa wanga na unashindwa kuutumia, hivyo nishati hiyo inabadilishwa kuwa mafuta.
Baada ya nishati kuwa mafuta ndipo huhifadhiwa mwilini na nyingine katika mishipa ya damu na moyo.
Nishati ikizidi, kongosho ambalo kazi yake kubwa ni kuzalisha ‘Insulin’ inayoyeyusha sukari linazidiwa kutokana na mzigo wa sukari au nishati mwilini kuwa mkubwa ndipo sukari iliyozidi huanza kuzunguka kwenye damu.
Hapa sasa tunasema umeshaanza kuwa mgonjwa na kuanza kuwa na dalili za ugonjwa; unahisi mwili unakuwa mzito, ukipandisha ngazi au mlima mdogo unachoka sana na pumzi zinakuishia, ukikimbia kidogo unaishiwa pumzi na kifua kinauma, baada ya zoezi au pilikapilika fupi unachoka sana na viungo vinauma.
Hapa ni dalili kwamba unaanza kupata matatizo ya mishipa ya damu na misuli ya moyo.
Dalili za kisukari huanza taratibu sana, kwanza utajikuta unapata sana hamu ya kula na unakula sana tena chakula kizuri, ukipitiliza kidogo muda wa kula njaa inauma sana.
Utapata hamu ya kunywa juisi, soda zaidi kuliko maji na hata pombe hamu itaongezeka. Utajiona kabisa kwamba mwili unaongezeka kutokana na nguo kukubana. Muda wa kupumzika utajikuta unapata usingizi mzito.
Ukilala usiku unalala sana na asubuhi unakuwa mzito kuamka, unahisi mwili hauna nguvu, kama ulikunywa pombe unaweza  kuhisi ni pombe, wakati mwingine hata kama hujanywa pombe utahisi jana yake ulikunywa.Wakati mwingine mdomo unakuwa mchungu na mate kujaa mdomoni hadi ukipiga mswaki ndipo unakaa sawa.
Hali inaweza kukaa vibaya na wakati mwingine unajihisi una dalili zote za malaria, unahisi homa, mwili mzito na viungo kulegea, ukienda sehemu zisizokuwa makini utaambiwa una malaria na utakunywa dozi za malaria dawa za kila aina lakini bado.
Utaambiwa una taifodi, hivyohivyo utamaliza dawa zote bila nafuu, utaambiwa una yutiai pia hali itakuwa hivyohivyo, utamaliza dozi zote bila nafuu yoyote.

Read More »

TATIZO LA KUTOKWA NA HARUFU MBAYA MWILINI

0 comments
Harufu mbaya ni kitu kisichompendeza mtu yeyote. Unapotoa harufu mbaya toka mwilini mwako, haikupendezi wewe mwenyewe wala mtu wa jirani. Kama kitu hukipendi wewe na ukakiona hakifai basi usimlazimishe mwenzio akipende au akione cha kawaida.
Harufu mbaya mwilini inatoka maeneo yote ya mwili kuanzia kichwani hadi miguuni.
Zipo sababu nyingi zinazomfanya mtu atokwe na harufu mbaya, inaweza kuwa uchafu, maradhi au maumbile.
Hali ya uchafu ipo wazi endapo mtu haogi, hafui au hanawi. Uchafu wa kichwani inaweza kuwa nywele au wigi au kitu chochote kinachowekwa kichwani.Uchafu unaweza kuwa maeneo mbalimbali ya mwili.
Maradhi ya ngozi, kansa au vidonda vyenye maambukizi vinaweza kusababisha kutoa harufu mbaya au vitambaa vilivyofungiwa vidonda.
Kwa hiyo kundi la maradhi ni pana kwa kuwa tatizo la ngozi pekee linaweza kuathiri kwa kiasi kikubwa.
Sababu za kimaumbile linawahusu zaidi watu wanene ingawa hata wembamba pia wanaweza kupatwa na tatizo hili kutegemea na harufu inatoka eneo gani la mwili.
Watu wanene hupatwa na matatizo ya kutoa harufu mbaya kama hawatazidisha usafi na kuhakikisha miili yao sehemu za mikunjo inakuwa mikavu. Sehemu hizo ni chini ya kifua au matiti, nyama za tumboni, chini ya tumbo, mbavuni, sehemu za siri na mapajani.
Unene pamoja na matatizo mengi yanayoweza kujitokeza pia huweza kusababisha magonjwa ya ngozi na kutokwa na jasho lenye harufu kali.
MAENEO YANAYOTOA HARUFU MBAYA
Sehemu yoyote ya mwili inaweza kutoa harufu mbaya kama tulivyoona hapo mwanzoni kuanzia kichwani hadi miguuni. Lakini yapo maeneo kama masikioni na puani pia harufu mbaya hutoka. Harufu za maeneo hayo mara nyingi haziwi kali.

KUTOKWA HARUFU MBAYA KINYWANI
Tatizo la kutokwa na harufu mbaya mdomoni au kinywani hutokana na matatizo mbalimbali kama kuwa na meno mabovu, magonjwa ya fizi, ulimi, fangasi za kinywani na uchafu kutokana na kutosafisha kinywa vizuri.
Wapo watu ambao kwa asili hutoa harufu mbaya kinywani pasipo kuwa na magonjwa ya kinywa na huwa makini kusafisha kinywa, lakini harufu haiishi.
Tatizo hili hutibika baada ya kufanyiwa uchunguzi wa kina katika tabaka linalotandika ndani ya kinywa.
Wakati mwingine harufu mbaya ya kinywa husababishwa na ulaji wa vyakula, unywaji pombe, uvutaji wa sigara, bangi na ugoro.
KUTOKWA NA HARUFU MBAYA KWAPANI
Kutokwa na harufu mbaya kwapani au kunuka kikwapa inatokana na mambo mbalimbali hata kama unajisafisha mara kwa mara na kutoa vinyweleo vya kwapani.
Harufu ya kikwapa husababishwa na njia ambazo ngozi ya kwapani hupumua zinaziba, hivyo kusababisha njia za kutolea jasho kuwa chache na jasho kutoka kidogo kidogo na kujaa kwapani.
Hivyo kujaa na kulowesha nguo sehemu hizo, hali hii ikiendelea kwa muda mrefu husababisha bakteria aina ya ‘staphylloccocus’ kuanza kuishi hapo na jasho linalojirundika kukauka na kuganda, hivyo kutoa harufu mbaya.
Tatizo la kikwapa likiendelea kwa muda mrefu baadhi ya njia za jasho huziba kabisa na bakteria kujipenyeza. Hapo ndipo unaweza kusumbuliwa na majipu ya mara kwa mara kwapani, kutokwa na vipele vikubwa kwapani na muwasho mkali baada ya kunyoa kwapani na hata vidonda vidogovidogo.
Matumizi ya baadhi ya pafyumu husababisha mzio ambapo kwapa litawasha sana kila wakati au utatokwa na vipele vingi au ngozi ya kwapani inabadilika na kuwa nyeusi sana huku ikitoka harufu mbaya. Tatizo hili linaweza kutibika hospitali.
HARUFU MBAYA SEHEMU ZA SIRI
Harufu mbaya sehemu za siri inaweza kuwa kwa wanaume na wanawake. Zipo sababu mbalimbali kwa wanaume ambazo zinahitaji uchunguzi wa kina na tiba.
Kwa wanawake harufu inaweza kutoka ukeni ikiambatana na uchafu au la. Harufu ya ukeni huwa mbaya inayofanana na shombo la samaki hutokana na kutokuwa makini kiusafi.
Maambukizi ya fangasi na bakteria, magonjwa ya zinaa, kisonono na kaswende ni sababu mojawapo.
Wapo wanawake ambao hutokwa na harufu sehemu za siri kutokana na mikunjo ya kwenye mapaja yao, hasa kwa wale wanene. Harufu pia inaweza kutoka katika sehemu ya haja kubwa na hii ni ya kinyesi endapo hutanawa vizuri au kuwa na maradhi sehemu hiyo.
NINI CHA KUFANYA?
Endapo utakuwa na tatizo hili la kutoa harufu mbaya maeneo tofauti ya mwili au unahisi mwenzio ana tatizo hili na anakukwaza, inashauriwa uwaone madaktari katika hospitali za wilaya kwa uchunguzi wa kina.
Tatizo hili linatibika na hupotea kabisa na kukuacha huru. Tatizo la kutokwa na majipu, vipele, kubadilika rangi ya ngozi kwapani, chini ya matiti na sehemu za siri, pia linatibika kabisa endapo utawaona wataalamu. Wahi mapema hospitali.

Read More »

DK. MAGUFULI AAPISHWA KUWA RAIS WA JAMHURI YA MUUNGANO WA TANZANIA

0 comments
Hatimaye aliyekuwa Rais Mteule Dk. John Pombe Magufuli ameapishwa rasmi kuwa rais wa awamu ya tano wa Jamhuri ya Muungano wa Tanzania hivi sasa katika sherehe zinazoendelea kwenye Uwanja wa Uhuru jijini Dar es Salaam

Read More »

HAYA NDO MALALAMIKO YA LOWASA BAADA YA MAGUFULI KUTANGAZWA RAISI

0 comments
Watanzania wenzangu!
Leo tarehe 29 October 2015, kwa kupitia Mgombea Mwenza wangu, Mh. Juma Duni Haji nimewasilisha rasmi malalamiko yetu kuhusu mwenendo mzima wa uchaguzi mkuu wa 2015 kwa Mwenyekiti wa Tume ya Taifa ya Uchaguzi.
Tumeainisha kwenye malalamiko yetu, kutokuridhishwa kwetu na mwenendo na matukio mbalimbali, hususani, utangazaji wa matokeo batili, yasiyo akisi matokeo halisi yaliyopatikana kwenye vituo vya kupiga kura, kama ifuatavyo.
• Upunguzwaji wa kura zangu
• Kuongeza kura kwa mgombea wa CCM
• Tunaendelea kukataa dhuluma hii dhidi ya matakwa ya wananchi, na jaribio la kutaka kubakwa kwa Demokrasia kunakooneka wazi kutokana na mwenendo wa Tume kuendelea kutangaza matokeo ya kura yasiyo ya kweli kwa kupoka ushindi wetu.

Aidha, kumekuwepo pia na uporaji wa ushindi kwa wagombea wa vyama vya UKAWA kwenye ngazi ya Ubunge na Udiwani
Kama tulivyoeleza jana takwimu zetu sisi zilionesha kwamba nilikua naongoza kwa zaidi ya 67%,na sasa tumejiridhisha kwamba nimepata kura 10,268,795 sawa na asilimia 62% baada ya kukamilisha kazi ya kukusanya fomu za matokeo nchi nzima.Kwa hali hii, ninaitaka Tume ya Taifa ya Uchaguzi initangaze mara moja mimi EDWARD NGOYAI LOWASSA kuwa mshindi wa nafasi ya Urais wa Jamhuri Ya Muungano wa Tanzania.
Naendelea kuwashukuru wananchi kwa imani yenu kwangu na kunichagua, MImi, pamoja na viongozi wenzangu tunaamini kuwa kuchezea Demokrasia ni kuvunja Amani, lakini sote tunatambua ni nyie watanzania ndio mnaoporwa haki yenu ya kupata mabadiliko, na viongozi mnao wahitaji, hivyo nitaendelea kuwa pamoja na watanzania wote kudai haki yenu kwa nguvu zote.
Tanzania kwa miaka mingi imefahamika kama kisiwa cha amani katika Afrika, tunashangaa leo kuona vyombo vya ulinzi na usalama vikitanda kila mahali wakiwa na silaha za kivita mitaani kana kwamba uchagzui ni vita, hii ni kuwatisha wananchi ili wakubali kunyang’anywa haki yao ya msingi ya kuchagua viongozi wanao wataka, nina amini watanzania hatutakubali hali hiyo.
Lowassa, Edward Ngoyai.
29.10.2015

Read More »

BREAKING NEWS: RAISI WA TANZANIA ATANGAZWA RASMI

0 comments
Tume ya uchaguzi ya Tanzania Bara (NEC) kupitia Mwenyekiti wake Jaji Damian Lubuva   imemtangaza  Rasmi  mgombea  Urais  wa  CCM, Dr John Pombe  Magufuli  kuwa  mshindi  halali  wa  kiti  cha  Urais  katika uchaguzi mkuu uliofanyika siku ya jumapili wiki iliyopita. 

Kwa  Mujibu  wa  jaji  Lubuva, Dr  magufuli  amepata  ushindi  wa  kura Milioni 8 ( 8,882,935  ) sawa  na  asilimia  58.45%  huku  akimwacha  kwa  mbali  mpinzani  wake  wa  karibu , Edward  Lowassa (Chadema )  ambaye  amepata  jumla  ya  kura  Milioni 6 (  6,077,848  )  sawa  na  asilimia  39.97%

Dr  Magufuli  na  mgombea  mwenza, Samia Suluhu  watakabidhiwa  rasmi  vyetu  vya  ushindi  kesho  saa  nne  asubuhi  katika  ukumbi  wa  hoteli  ya  Diamond  Jubilee


Read More »

UKWELI HUU HAPA KUWA LOWASA AMEKUBALI KUSHINDWA UCHAGUZI MKUU.

0 comments

Edward Lowassa
Kupitia Ukurasa wa Facebook unaitwa Chadema Pameandikwa Taarifa kuwa Edward Lowassa Amekubali kushindwa Urais na Ameamua Kupumzika Siasa...

Edward Lowassa Mwenyewe Ameibuka kupitia Ukurasa wake Halali wa Facebook na kukanusha juu ya habari hiyo na kusema ni za uzushi

Ameandika Haya:
"Taarifa zinazosambazwa kwenye mitandao kwamba nimekubali kushindwa katika Uchaguzi wa Rais ni za uwongo, Ninaomba zipuuzwe" Lowassa

Quote: What we have, what we wish we had - ambitions fulfilled, ambitions disappointed, investments won, investments lost, elections won, elections lost - these things may occupy our attention, but they do not define us. By Mitt Romney

Read More »